«Պուտինը սխալվել է կարծելով, թե Զելենսկու հետ կարա նույնը լինի, ինչ Սահակաշվիլու դեպքում»․ Սուրեն Սահակյան

«Քաղաքացու որոշում» ՍԴԿ նախկին ղեկավար Սուրեն Սահակյանը ֆեյսբուքյան իր էջում գրել է. «Ինձ թվում ա՝ Պուտինը սխալվել ա կարծելով, թե Զելենսկու հետ կարա նույնը լինի, ինչ Սահակաշվիլու դեպքում, երբ մայրաքաղաքից 40 կմ-ի վրա արդեն կարող էր հաղթանակ տոնել։ Անձամբ ես կարծում եմ, որ Ուկրաինայի դեմ պատերազմն իր կառավարման ամբողջ շրջանի ամենակոպիտ ու չարդարացված սխալն էր, որը Ղրիմի անեքսիայի անխուսափելի շարունակությունն էր։ Այնուամենայնիվ, դա անձնապես իր ու ռուսների մտածելու հարցն ա։
Գրառումս այլ բանի մասին ա։ Եթե նույնիսկ Ռուսաստանի ու Պուտինի որոշումը կարելի ա չընդունել, բայց հասկանալ մեծապետական ինչ-ինչ շահերի շրջանակներում, ապա էս պատմության մեջ Լուկաշենկոյի մասին առանց հայհոյանքի ընդհանրապես շատ դժվար ա խոսել։ Պուտինը իր ծոծրակը կտեսներ, բայց Կիևը չէր տեսնի, եթե Լուկաշենկոն չլիներ։ Ու հարցը Կիևը չի։ Հարցն էդքան մահերն են, որոնք հենց սենց են տեղի ունենում, քանի որ Լուկաշենկոն իրեն ոչ պրեզիդենտ չի պատկերացնում։ Դուք պատկերացնո՞ւմ եք՝ ինչ բարձր գին ունի դրսից լեգիտիմություն մուրալը։ Ինքը դեռ մի կողմ՝ էսօր կա, վաղը չկա, բայց իր՝ մի մարդու, նախագահ լինելու էդ բուռն ցանկությունը ստորության հիմք դարձավ, որը դավաճանի մշտական խարան դաջեց յուրաքանչյուր բելառուսցու ճակատին, ով հիմա լուռ ա։ Դա խղճուկ ա ու նողկալի։ Դրսից ներքին լեգիտիմություն մուրացողը պետության թիվ մեկ թշնամին ա, որովհետև վաղ թե ուշ դրա դիմաց վարձահատույց ա լինելու ժողովրդի օրինական շահերով»։