Էրդողանը Զելենսկիին ասել է, որ ջանքեր է գործադրում Ուկրաինայում զինադադար հայտարարելու համար

Թուրքիայի և Ուկրաինայի նախագահներ Ռեջեփ Թայիփ Էրդողանը և Վլադիմիր Զելենսկին շաբաթ օրը հեռախոսազրույց են ունեցել, որի ընթացքում քննարկել են Ուկրաինայի վերջին զարգացումները․ հաղորդում է ՏԱՍՍ-ը։
«Բանակցությունների ընթացքում քննարկվել են Ուկրաինայում Ռուսաստանի ռազմական միջամտության վերջին զարգացումները և հարցերը»,- լրագրողներին հայտնել են Թուրքիայի նախագահի գրասենյակից։

Էրդողանն ասել է, որ «ջանքեր է գործադրում ապահովելու, որ հնարավորինս շուտ զինադադար հայտարարվի, ինչը կերաշխավորի, որ այլևս մահեր չլինեն և Ուկրաինան այլևս չտուժի»:

Թուրքիայի նախագահը չի պարզաբանել, թե մասնավորապես ինչ ջանքեր է գործադրում այդ նպատակին հասնելու համար։