«Ռուսաստանին չհաջողվեց բլից-կրիգով վերցնել Կիևը»․ Մկրտիչ Իսրայելյան

Լրագրող Մկրտիչ Իսրայելյանը ֆեյսբուքյան իր էջում գրել է․ «Եթե դուրս գանք ռուսական եւ ուկրաինական քարոզչական խառնաշփոթից ապա կարելի է փաստել մի քանի բան։ Ռուսաստանին չհաջողվեց բլից-կրիգով վերցնել Կիևը, իսկ դրա նպատակը Մոսկվան ուներ, հաշվի առնելով ռուսական դեսանտադիվերսիոն խմբերի ներթափանցումը Կիև, և մայրաքաղաքի ուղղությամբ հուժկու և արագ գրոհը։ Հաջորդը, թերևս այն է, որ չնայած տասնյակ հազարավոր ուկրաինացիներ լքում են երկիրը, այդուամենայնիվ ուկրաինացիները նաև համախմբվում են և «մեկ ազգ, մեկ թշնամի, մեկ նպատակ» սկզբունքով սկսել են ռուսներին ներքաշել պարտիզանական պատերազմի մեջ, որը կարող է երկար տևել։ Իսկ երկար պատերազմը, անկախ արդյունքից, ահավոր մաշեցնող է լինելու Ռուսաստանի համար։ Ռուսաստանը առայժմ չի հրապարակում իր կորուստները, իսկ ուկրաինական կողմից տարածվող տեղեկությունների համաձայն ռուսները բավական մեծ կորուստներ են կրել չհաջողված բլից-կրիգի ընթացքում, չնայած որ որոշ տարածքային առավելություն ձեռք են բերել։ Այս ամենին գումարվում է տնտեսական և ֆինանսական խիստ պատժամիջոց երը։ Արդյո՞ք Ուկրաինայի համար արժեր վճարել այս ծանր գինը, թե՞ սա համեմատաբար փոքր գին է Պուտինի իշխանության փրկության համար։ Իսկ դա արդեն կիմանան միայն այս ռազմական թատրոնի սցենարիստները»։