25 տարվա մեջ առաջին անգամ ՄԱԿ-ի Գլխավոր ասամբլեայի արտահերթ նստաշրջան կգումարվի

1624

Երկուշաբթի, 28 փետրվարի, 2022 թ., 09:12

ՄԱԿ-ի Անվտանգության խորհուրդն աջակցել է Ուկրաինայի հարցով Գլխավոր ասամբլեայի արտահերթ նստաշրջանի անցկացման առաջարկին:

Բանաձևին կողմ են քվեարկել ՄԱԿ-ի Անվտանգության խորհրդի 11 անդամներ, դեմ է արտահայտվել Ռուսաստանը, բայց քանի որ քվեարկությունն ընթացակարգային է, վետոյի իրավունքը չի գործում։ Երեք երկիր, այդ թվում՝ Չինաստանը, ձեռնպահ են մնացել։ Ակնկալվում է, որ միջոցառումը տեղի կունենա 24 ժամվա ընթացքում։

Վերջին անգամ ՄԱԿ-ի Գլխավոր ասամբլեայի արտահերթ նստաշրջանը գումարվել է 1997 թվականին՝ Պաղեստինում տիրող իրավիճակի պատճառով։ Ընդհանուր առմամբ, ՄԱԿ-ի աշխատանքի սկզբից ի վեր նման 10 նիստ է եղել։