Երկուշաբթի, 23 փետրվարի, 2026 թ.
|
Ստեփանակերտում`   +5 °C

Ռուսաստանը փակում է երկինքը Գերմանիայի, Իսպանիայի, Իտալիայի, Ֆրանսիայի և ևս 23 երկրի համար

Ռուսաստանը փակում է երկինքը Գերմանիայի, Իսպանիայի, Իտալիայի, Ֆրանսիայի և ևս 23 երկրի համար
1834
Երկուշաբթի, 28 փետրվարի, 2022 թ., 19:30

Ռուսաստանը փակել է օդային տարածքը 36 երկրի համար՝ ի պատասխան ռուսական օդանավերի համար օդային տարածքի փակման։ Այս մասին ասվում է Օդային տրանսպորտի դաշնային գործակալության հաղորդագրության մեջ։ Բացի Մեծ Բրիտանիայից, Բուլղարիայից, Լատվիայից, Լիտվայից, Մոլդովայից, Ռումինիայից, Էստոնիայից, Սլովենիայից, Չեխիայից և Լեհաստանից, որոնց հետ թռիչքներն արդեն փակվել են, թարմացված ցուցակին ավելացվել է ևս 27 երկիր, այդ թվում՝ Գերմանիան, Իսպանիան, Իտալիան և Ֆրանսիան: «Այս երկրներից թռիչքները կարող են իրականացվել օդային տրանսպորտի դաշնային գործակալության կամ ՌԴ ԱԳՆ-ի կողմից տրված հատուկ թույլտվությամբ»,- ասվում է հաղորդագրությունում։

Ցանկում ընդգրկված են նաև Ավստրիան, Ալբանիան, Անգուիլան, Բելգիան, Բրիտանական Վիրջինյան կղզիները, Հունգարիան, Ջիբրալթարը, Հունաստանը, Դանիան, Գրենլանդիան, Ֆարերյան կղզիները, Ջերսին, Իռլանդիան, Իսլանդիան, Իսպանիան, Կանադան, Կիպրոսը, Լյուքսեմբուրգը, Մալթան, Նիդեռլանդները, Նորվեգիան, Պորտուգալիան, Ֆինլանդիան, Խորվաթիան և Շվեդիան։

Մեծ Բրիտանիան առաջինն էր, որ փետրվարի 25-ի գիշերը փակեց իր օդային տարածքը ռուսական ինքնաթիռների համար։

Փետրվարի 27-ին ԵՄ 27 երկրների արտաքին գործերի նախարարները հավանություն են տվել ռուսական ինքնաթիռների համար օդային տարածքի ամբողջական փակմանը։ Կանադան ևս փակել է օդային տարածքը ռուսական ինքնաթիռների համար։