ՆԱՏՕ-ն առաջին անգամ տեղակայում է արձագանքման ուժերի տարրեր

Հյուսիսատլանտյան դաշինքի կազմակերպությունը՝ ՆԱՏՕ-ն, հավաքական պաշտպանության համատեքստում առաջին անգամ տեղակայում է արձագանքման ուժերի տարրեր։ Այս մասին ասվում է Հյուսիսատլանտյան դաշինքի ռազմական կոմիտեի հայտարարության մեջ, որը տարածվել է արտահերթ հանդիպումից հետո։

«Ակտիվացվել են ՆԱՏՕ-ի պաշտպանական պլանները, ինչի արդյունքում առաջին անգամ տեղակայվել են դաշինքի արձագանքման ուժերի տարրերը հավաքական պաշտպանության համատեքստում»,- ասվում է հաղորդագրության մեջ։

ՆԱՏՕ-ի ռազմական կոմիտեի նախագահ Ռոբ Բաուերը նշել է, որ այս որոշումն ընդունվել է օպերատիվ կերպով։

«Մեր նախապատրաստությունները ժամանակին էին, և մեր արձագանքները՝ արագ, հետևաբար մեր պաշտպանական վահանն ամուր է և պատրաստ է պաշտպանել բոլոր դաշնակիցներին և մեր դաշինքը ագրեսիայից», - ասաց նա: