«Ամսական 6․5 միլիոն դրամ՝ 3 հարյուր հազար դոլարից ավելի, միայն այս հյուրանոցի պահպանության վրա է պետությունը ծախսել»․ Խամոյան

«Պատգամավորներից մեկը ապօրինի գույքի բռնագանձման մասին է խոսում էստեղ, օրինակ է բերում ապօրինի գույքը, որ պետք է բռնագանձվի և վերադարձվի ժողովրդին։ Դա միանշանակ է։ Էստեղ դուք բերում եք «Golden Palace»-ի օրինակը։ «Golden Palace»-ը նվիրատվությամբ է հանձնվել պետությանը, որից հետո ապօրինի գույքի բռնագանձումով չի մտել պետության հաշվեկշիռ։ Արմեն Ավետիսյանի մասով հարուցված քրեական գործը կարճվում է»,- այսօր ԱԺ ամբիոնից հայտարարեց «Հայաստան» խմբակցության պատգամավոր Ագնեսա Խամոյանը։
«Ժողովրդին կարո՞ղ եք բացատրել՝ էդ ինչ պրոցես ա տեղի ունեցել, որովհետև, օրինակ, իշխանափոխությունից հետո Արմեն Ավետիսյանը կարող էր գալ, ասել՝ ատրճանակն իմ գլխին պահել են, դրա համար ես պետությանն եմ նվիրաբերել հյուրանոցը»,- նշեց նա։

«Որ պատկերացում ունենաք կոնկրետ էս հյուրանոցային համալիրի մասին, մեկ թիվ հնչեցնեմ։ Ամսական վեցուկես միլիոն դրամ՝ երեք հարյուր հազար դոլարից ավելի, միայն այս հյուրանոցի պահպանության վրա է պետությունը ծախսել»,- հավելեց Խամոյանը։