«800 հեկտարի և 10.000 քառակուսի կմ-ի միջև զուգահեռ տանողները առոչինչ են համարում 5000 զոհերը և գերիներին»․ Մամիջանյան

«Ո՞նց կարելի է զուգահեռներ տանել պատերազմի արդյունքում կորցրած տարածքների և բանակցությունների ընթացքում փաստարկների միջև: Ինձ ցույց տվեք մեկ բանակցային փաստաթուղթ, որտեղ եղել է Շուշիի և Հադրութի հարցը, ցույց տվեք փաստաթուղթ, որտեղ եղել է Մարտակերտի, Մարտունու, Ասկերանի մի քանի գյուղերի հարցը: Բոլոր նրանք, ովքեր զուգահեռներ էին տանում 800 հեկտարի ու շուրջ 10 հազար քառակուսի կիլոմետրի կորստի միջև, երեկ դա այս ամբիոնից է արվել, այդ մարդիկ առ ոչինչ են համարում շուրջ հինգ հազար զոհերը։ Այո, ասելու եմ՝ 5 հազար, մինչև չլինի զոհերի անվանական ցուցակը»,- ԱԺ-ում հայտարարեց «Պատիվ ունեմ» խմբակցության քարտուղար Հայկ Մամիջանյանը:

Դիմելով ՔՊ-ական պատգամավորներին՝ ասաց «Դուք ստացել եք Հայաստանի ու Ռուսաստանի միջև դաշնակցային պայմանագիր, բայց դուք հաջորդ կառավարությանը թողնելու եք ռուս-ադրբեջանական դաշնակցային հռչակագիր»։