Ուկրաինան ազգայնացնում է երկրում գտնվող ռուսական ակտիվները

Ուկրաինայի Գերագույն Ռադան օրենք է ընդունել ամբողջ երկրում Ռուսաստանի Դաշնությանը, ռուսական ընկերություններին կամ Ռուսաստանի քաղաքացիներին պատկանող օբյեկտների հարկադիր բռնագրավման մասին։ Այս մասին ասվում է խորհրդարանի կայքում:

Ընդունված օրինագիծը նախատեսում է, որ ռուսական գույքի բռնագրավման մասին որոշումը կկայացնի Ազգային անվտանգության և պաշտպանության խորհուրդը՝ նախարարների կաբինետի առաջարկությամբ։ Այն պետք է ուժի մեջ մտնի Ուկրաինայի նախագահի հրամանագրով։

Նախարարների կաբինետի ներկայացումը պետք է պարունակի հարկադիր առգրավման ենթակա օբյեկտների ցուցակ՝ գույքի հասցեներով, ռուս սեփականատերերի անուններով, ինչպես նաև բռնագրավման պայմաններով:

Օրենքը թույլ է տալիս ազգայնացնել շարժական և անշարժ գույքը, փողը, բանկային ավանդները, արժեթղթերը, կորպորատիվ իրավունքները և ցանկացած այլ գույք, որը գտնվում կամ գրանցված է Ուկրաինայի տարածքում և ուղղակիորեն կամ փոխկապակցված անձանց միջոցով պատկանում են Ռուսաստանի Դաշնությանը և նրա ռեզիդենտներին:

Բռնագրավված գույքը կփոխանցվի մասնագիտացված պետական ​​ձեռնարկություն։ Նման օբյեկտների նկատմամբ իրավունքների գրանցման գործընթացը չի դադարի նույնիսկ այն դեպքում, եթե դատարանը որոշի հայցը ապահովել ռուս սեփականատիրոջ շահերից: