Japan Airlines-ը կասեցրել է դեպի Մոսկվա չվերթների նոր տոմսերի ամրագրումը

Japan Airlines-ը՝ ճապոնական խոշորագույն ավիափոխադրողը, կասեցրել է դեպի Մոսկվա ամենշաբաթյա չվերթների նոր տոմսերի ամրագրումը։ Այս մասին ասվում է ավիափոխադրողի՝ հինգշաբթի օրը հրապարակված հաղորդագրության մեջ։ Ընկերությունն այս որոշումը հիմնավորել է թռիչքների անվտանգության հետ կապված իրավիճակի համապարփակ գնահատմամբ՝ Ուկրաինայի տարածքում տեղի ունեցող իրադարձությունների լույսի ներքո։ JAL-ը մարտի 3-ին և 4-ին չեղարկել է նաև դեպի Մոսկվա և հետադարձ թռիչք դեպի Տոկիո։

Հինգշաբթի Japan Airlines-ը և ճապոնական All Nippon Airways ավիաընկերությունը հայտարարել են նաև ընդհանուր առմամբ 13 չվերթ ԵՄ երկրներ չեղարկելու մասին՝ անվտանգության նկատառումներից ելնելով Ուկրաինայում ռազմական գործողությունների պատճառով: Խոսքը դեպի Լոնդոն, Փարիզ, Հելսինկի, Ֆրանկֆուրտ, Բրյուսել թռիչքների մասին է։

Japan Airlines-ը նախկինում մի քանի անգամ չեղարկել է Տոկիոյից Մոսկվա թռիչքները՝ անվտանգության նկատառումներից ելնելով։ Մինչ այդ դրանք արվում էին շաբաթական մեկ անգամ՝ պայմանավորված կորոնավիրուսային համաճարակի պատճառով ուղևորահոսքի նվազմամբ։