ՆԱՏՕ-ն մերժեց Զելենսկիին. ոչ թռիչքային գոտի չի լինի

ՆԱՏՕ-ի արտգործնախարարները քննարկել են Ուկրաինայի երկնքով ոչ թռիչքային գոտի սահմանելու հարցը, ինչի մասին Զելենսկին օրեր շարունակ պնդում էր։ Արդյունքում ևս մեկ անգամ որոշվեց, որ ՆԱՏՕ-ի ինքնաթիռները չպետք է թռչեն Ուկրաինայի օդային տարածքով։ Այս մասին այսօր Բրյուսելում ունեցած ելույթի ժամանակ ասել է ՆԱՏՕ-ի գլխավոր քարտուղար Յենս Ստոլտենբերգը։

ՆԱՏՕ-ի գլխավոր քարտուղարն ասել է. «Մենք այս հակամարտության մաս չենք և պատասխանատու ենք այն բանի համար, որ այն չսրվի և չտարածվի Ուկրաինայի սահմաններից դուրս։

Դա կլինի էլ ավելի կործանարար և վտանգավոր՝ ավելի շատ մարդկային տառապանքներով»: