Փենթագոնի տվյալներով՝ ռուսական զորքերի հսկայական շարասյունը կանգնած է Կիևի մատույցներում

Փենթագոնի տվյալներով՝ ռուսական զորքերի հսկայական շարասյունը տեղակայված է Կիևից 25 կիլոմետր հեռավորության վրա։ Այս մասին հայտնում է ZN.UA-ն։

Նշվում է, որ այս պահին շարասյունը չի շարժվում դեպի Կիև։ Խոսքը, իբր, մի քանի տասնյակ կիլոմետր երկարությամբ շարասյան մասին էորի առաջխաղացումը դանդաղեցրել են ուկրաինական հարձակումները և կամուրջներից մեկի պայթյունը։

Նաև ռուսական զորքերը գտնվում են երկրի հյուսիսում՝ Չերնիգովի և Խարկովի մոտակայքում, շարունակում են առաջխաղացումը հարավում։ Միաժամանակ Մարիուպոլը մնում է Ուկրաինայի վերահսկողության տակ, իսկ Օդեսայի վրա մոտալուտ հարձակման նախանշաններ դեռ չեն նկատվել։