Ուկրաինան նշել է Ռուսաստանի հետ բանակցությունների երրորդ փուլի ամսաթիվը

Ուկրաինայի պատվիրակության անդամ Արախամիան հայտնել է, որ Ռուսաստանի հետ բանակցությունները տեղի կունենան մարտի 7-ին, հայտնում է «ՌԻԱ Նովոստի»-ն։

Նա հանդիպման մասին այլ մանրամասներ չի հայտնել, ինչպես նաև չի նշել դրա հնարավոր վայրը։ Ռուսական կողմը դեռ չի հաստատել այս ամսաթիվը։

Ավելի վաղ ուկրաինական պատվիրակության անդամ, երկրի նախագահի աշխատակազմի խորհրդական Միխայիլ Պոդոլյակը հայտարարել էր, որ Ռուսաստանի դիվանագիտական ​​ներկայացուցչության հետ հաջորդ հանդիպումը կարող է կայանալ «մոտակա մեկ-երկու օրը»։