Բուլղարիան պատրաստ է փակել իր նավահանգիստները ռուսական նավերի համար

Բուլղարիայի իշխանությունները պատրաստ են փակել երկրի նավահանգիստները ռուսական նավերի համար։ Այս մասին այսօր Բուլղարիայի ազգային հեռուստատեսությանը տված հարցազրույցում հայտարարել է Բուլղարիայի տրանսպորտի և կապի նախարար Նիկոլայ Սաբևը, փոխանցում է ՏԱՍՍ-ը։

«Տրանսպորտի նախարարությունը հաստատել է ռուսական դրոշ կրող նավերի համար Բուլղարիայի նավահանգիստները փակելու հնարավորությունը, քանի որ մեր ազգային շահերից է բխում պատերազմը դադարեցնելը: ԵՄ-ին հաջողվեց կառուցել բավականին արդյունավետ տնտեսական շրջափակում, և մենք կարծում ենք, որ դա այս պահին ամենաարդյունավետ լուծումն է»,- նշել է նա՝ չմանրամասնելով, թե որ պահից է հնարավոր՝ որոշումն ուժի մեջ մտնի։