Ուկրաինայի պաշտպանության նախարարը ռուսներին «անակնկալ» է խոստացել

Ուկրաինայի պաշտպանության նախարարությունը հայտնում է զգալի առաջընթացի մասին արտերկրից զենքի մատակարարման հարցում, ինչը «անակնկալ» կլինի ռուսների համար։

Ուկրաինայի պաշտպանության նախարար Ալեքսեյ Ռեզնիկովի խոսքով՝ ռուսական զորքերը փորձում են ուժերն ու միջոցները կենտրոնացնել հարձակումների նոր ալիքի համար, առաջին հերթին՝ Կիևի, Խարկովի, Չեռնիգովի և Նիկոլաևի ուղղությամբ։

«Ես չեմ մեկնաբանի զենքի և զինամթերքի մատակարարումը. սա նուրբ պահ է: Թող թշնամին անակնկալի գա: Իմացեք, որ զգալի առաջընթաց կա», - մեջբերում է նրա խոսքերը «Ուկրաինսկայա պրավդան»։

Միաժամանակ Ռեզնիկովն ասել է, որ առայժմ ռուսներն առավելություն ունեն ծովում և օդում։