Ռուսական կողմը՝ բանակցությունների արդյունքի մասին

ՌԴ նախագահի օգնական Վլադիմիր Մեդինսկին լրագրողների հետ զրույցում մանրամասներ է հայտնել ռուս-ուկրաինական բանակցությունների երրորդ փուլի արդյունքների մասին, որոնք ավարտվել են քիչ առաջ:

«Մենք երկար ժամանակ քննարկել ենք հումանիտար միջանցքների խնդիրը. ուկրաինական ուժերը տեղում չեն կատարում իրենց հրամանատարության հրամանները։ Պայմանը դրել ենք կտրուկ: Հույս ունենք, որ վաղվանից միջանցքները կսկսեն աշխատել։
Դեռ վաղ է որևէ դրական բանի մասին խոսելը։ Մենք եկել էինք փաստաթղթերի նախագծերով։ Ուկրաինական կողմը դրանք տարել է ուսումնասիրության։ Չհաջողվեց ստորագրել: Բանակցությունների նոր փուլից մեր սպասելիքները չարդարացան, բայց հուսով ենք, որ հաջորդ անգամ կարող ենք ավելի էական քայլ կատարել»,- ասել է նա։