Եվս մեկ ռուս օլիգարխ է դեմ արտահայտվել պատերազմին

Եվս մեկ ռուս օլիգարխ՝ NLMK Group պողպատագործական ընկերության սեփականատեր Վլադիմիր Լիսինը կոչ է արել դադարեցնել պատերազմն Ուկրաինայում։ Այս մասին գրում է Reuters-ը՝ հղում անելով Լիսինի հայտարարությանը։

Լիսինը նամակ է ուղարկել կոնցեռնի աշխատակիցներին, որը տեղադրվել է սոցիալական ցանցերում։ Ռուս միլիարդատերը ասել է, որ Ուկրաինայում մարդկային կորուստները ողբերգություն են, որը դժվար է արդարացնել կամ բացատրել։

Նա դիվանագիտական ​​բանակցությունների միջոցով խաղաղ կարգավորման հասնելու կոչ է արել՝ հույս է հայտնելով, որ պատերազմը շուտով կավարտվի։

Կոնցեռնի ներկայացուցիչը հաստատել է սոցցանցերում տեղադրված նամակի իսկությունը։