«Հայաստանն ընտրական ավտորիտարիզմից անցում է կատարել ընտրական ժողովրդավարության»․ Ա․ Ջուլհակյան

ՔՊ-ական պատգամավոր Արուսյակ Ջուլհակյանի գրառումը․ «Հերթական դրական զեկույցը Հայաստանում ժողովրդավարության զգալի առաջընթացի մասին հրապարակվել է այսօր, որի համաձայն՝ Հայաստանը ընտրական ավտորիտարիզմից անցում է կատարել ընտրական ժողովրդավարության: Այս զեկույցին նախորդել են Եվրոպայի խորհրդի խորհրդարանական վեհաժողովի հունվարյան բանաձևը Հայաստանում ժողովրդավարական ինստիտուտների գործունեության մասին, բրիտանական Economist Intelligence Unit հեղինակավոր կազմակերպության «Ժողովրդավարության ինդեքս- 2021» զեկույցը, «Թրանսփարենսի ինթերնեշնլ»-ի հրապարակած «Կոռուպցիայի ընկալման համաթիվ 2021թ.» զեկույցը, որոնք նույնպես բարձր են գնահատել Հայաստանում ժողովրդավարացման գործընթացները, դրանց մասշտաբները և տեմպերը, կոռուպցիայի դեմ պայքարի ուղղությամբ կատարված նշանակալի ինստիտուցիոնալ բարեփոխումները»: