Երկուշաբթի, 23 փետրվարի, 2026 թ.
|
Ստեփանակերտում`   +9 °C

Տարոն Մարգարյանը կառաջադրվի՞ Երևանի քաղաքապետի պաշտոնում․ «Հրապարակ»

Տարոն Մարգարյանը կառաջադրվի՞ Երևանի քաղաքապետի պաշտոնում․ «Հրապարակ»
937
Հինգշաբթի, 10 մարտի, 2022 թ., 09:12

«Հրապարակ» թերթը գրում է. «Մոտ մեկուկես տարի հետո՝ 23 թվականի աշնանը, Երևանի բնակիչները պետք է նորից քաղաքապետ ընտրեն։ Եվ արդեն խոսակցություններ կան քաղաքապետի հավանական թեկնածուների մասին, թե որ թիմն ում է առաջադրելու։ Իշխանությունը մտադիր է Տիգրան Ավինյանին առաջադրել։ Խոսում են Երևանի նախկին քաղաքապետ, այժմ «Պատիվ ունեմ» խմբակցության պատգամավոր Տարոն Մարգարյանի հավանական առաջադրման մասին, բայց դեռ պարզ չէ՝ նա կառաջադրվի ՀՀԿ-ի՞ կողմից, թե՞ «Պատիվ ունեմ» դաշինքի։ Լուրեր կան, որ «Հայաստան» դաշինքն էլ պատրաստվում է Ռոբերտ Քոչարյանի կրտսեր որդուն՝ Լևոն Քոչարյանին առաջադրել։ Ոմանք Արթուր Վանեցյանի անունն են շրջանառում։

Երեկ Տարոն Մարգարյանը հարցին, թե քաղաքապետի պաշտոնում առաջադրվելու մտադրություն ունի՞, ուղիղ չպատասխանեց․ «Քաղաքապետի ընտրությունները ե՞րբ ա, ինձ թվում ա՝ ժամանակ կա հլը։ Երբ որ ժամանակը գա, էդ ժամանակ մեր կուսակցությունը կհայտնի»։ Կարծում եք՝ Ձեզ ձայն կտա՞ն երևանցիները։ Մարգարյանն ասաց․ «Ուղղակի տարիուկես հետոյի մասին չեմ ուզում հիմա խոսել։ Տարիուկես հետո կխոսենք»։
Առավել մանրամասն՝ թերթի այսօրվա համարում