Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

Խաչատուրյանը՝ իր երդմնակալությանը ՀՀ նախկին նախագահների չմասնակցելու մասին

Խաչատուրյանը՝ իր երդմնակալությանը ՀՀ նախկին նախագահների չմասնակցելու մասին
294
Հինգշաբթի, 10 մարտի, 2022 թ., 12:23

Այսօր՝ լրագրողների հետ ճեպազրույցում, ՀՀ նորընտիր նախագահ Վահագն Խաչատուրյանը ի պատասխան հարցին, թե արդյոք վերջինին չի՞ անհանգստացնում այն հանգամանքը, որ ՀՀ նախկին նախագահներից որևէ մեկը նրա երդմնակալությանը մասնակցելու պատրաստակամություն չի հայտնել, ասաց․ «Ինձ ինչի՞ պետք է անհանգստացնի, կարևորը մենք հրավիրել ենք, մենք բաց ենք և հրավիրվածների ցանկը շատ մեծ է, որևէ սահմանափակում չկա։ Ամեն մարդ ինքն է որոշում իր մասնակցությունը։ Մենք ժողովրդավարական երկիր ենք։ Պետք է հարգել այդ մարդկանց իրավունքը, որից իրենք օգտվում են չմասնակցելով»։

Հիշեցնենք, որ ՀՀ նորընտիր նախագահ Վահագն Խաչատուրյանի երդմնակալության արարողությունը կկայանա մարտի 13-ին։