«Ադրբեջանին հետաքրքրում է այն հատվածի վերադարձը, որը մնացել է հայկական կողմում». ռուս ռազմական վերլուծաբան. «Ժողովուրդ»

Ժողովուրդ» օրաթերթը գրում է. «Վերջին օրերին Ուկրաինայում պատերազմի ֆոնին ակտիվացել է նաև Ադրբեջանը և կրակում է ինչպես Արցախում, այնպես էլ հայ- ադրբեջանական սահմանին։ Մեզ հետ զրույցում ռուս ռազմական փորձագետ Ալեքսանդր Խրամչիխինը նշել է, թե, իր կարծիքով, իրավիճակը վերահսկելի է, ռուս խաղաղապահները տեղում են և արձագանքում են միջադեպերին:

«Ադրբեջանը մտավախություն ունի, որ այս մեծ իրադարձությունների ընթացքում բոլոր պայմանավորվածությունները կարող են անտեսվել։ Ադրբեջանը ցանկանում է լուծել այն հարցերը, որոնք չի հաջողել լուծել պատերազմի ընթացքում՝ Ադրբեջանի օգտին դեմարկացիա-դելիմիտացիա, Ղարաբաղի կարգավիճակի հարցը: Դե իհարկե երկարաժամկետ ապագայում Ադրբեջանին հետաքրքրում է այն հատվածի վերադարձը, որը մնացել է հայկական կողմում»,- ասել է նա»:

Մանրամասները՝ թերթի համարում: