ԵՄ-ը նոր պատժամիջոցներ է սահմանել Ռուսաստանի դեմ

Ֆրանսիայի արտաքին գործերի նախարար Ժան-Իվ Լը Դրիանը հայտարարել է ՌԴ-ի դեմ սահմանափակող միջոցառումների նոր փաթեթի մասին, որը, նրա խոսքով, ուժի մեջ կմտնի անմիջապես։

«Հենց այս պահին պատրաստվում է պատժամիջոցների նոր շարք, որը պետք է կիրառվի այսօրվանից, հենց որ դեսպանները (ԵՄ երկրների մշտական ​​ներկայացուցիչները Բրյուսելում) համաձայնության գան՝ միաժամանակ արգելելու պողպատից արտադրանքի ներկրումը ՌԴ-ից, ինչպես նաև՝ արգելելու շքեղության դասին պատկանող ապրանքների արտահանումը Ռուսաստան: Կարգելվի նաև ցանկացած ներդրում Ռուսաստանում նավթի արդյունահանման և նավթավերամշակման ձեռնարկություններում: Կընդլայնվի նաև պատժամիջոցների տակ հայտնվող օլիգարխների ցուցակը»,- ​​ասել է ֆրանսիացի նախարարը France Inter ռադիոկայանի եթերում։