«Ադրբեջանի և Հայաստանի միջև բանակցություններում երրորդ կողմի կարիք չկա». Չավուշօղլու

Թուրքիայի արտգործնախարար Մևլութ Չավուշօղլուն Ադրբեջանի և Հայաստանի միջև խաղաղության համաձայնագրի բանակցություններին երրորդ կողմի մասնակցության անհրաժեշտություն չի տեսնում։

«Իմ կարծիքով, խաղաղ համաձայնագրի բանակցություններին երրորդ կողմի մասնակցության կարիքը չկա։ Պատերազմ կար, օկուպացիա կար, բայց ամեն ինչ հիմա ավարտված է, Ադրբեջանն ու Հայաստանը պետք է նստեն բանակցությունների սեղանի շուրջ և միասին քննարկեն»,- ասել է Չավուշօղլուն Դիվանագիտական ​​ֆորումի արդյունքների վերաբերյալ ասուլիսում, որը տեղի է ունեցել Անթալիայում կիրակի օրը: