Citibank-ը Ռուսաստանում փակում է բիզնեսի որոշ ուղղություններ 

Citibank-ը չի ներգրավի նոր հաճախորդներ Ռուսաստանում և կշարունակի կրճատել բիզնեսի ոլորտները, ասվում է ընկերության հայտարարության տեքստում:
«Մենք շտապ ավարտում ենք Ռուսաստանում մեր գործունեության գնահատումը: 2021 թվականի ապրիլին մենք հայտարարեցինք երկրում սպառողական բիզնեսից դուրս գալու մեր մտադրության մասին: Այժմ մենք որոշել ենք ընդլայնել այս ելքի գործընթացի շրջանակը՝ ներառելով բիզնեսի այլ ուղղություններ և կշարունակենք նվազեցնել մեր մնացած գործառնությունները և ռիսկերը: Հաշվի առնելով բանկային և ֆինանսական գործառնությունների բնույթը, այս որոշման իրականացման համար ժամանակ կպահանջվի:

Մենք նաև որոշել ենք դադարեցնել նոր հաճախորդներ ընդունելու գործընթացը: Մենք օգնություն ենք տրամադրում բազմազգ կորպորացիաներին, որոնցից շատերը բախվում են իրենց գործունեությունը դադարեցնելու մարտահրավերին: Մենք կշարունակենք կառավարել մեր առկա նորմատիվ պարտավորությունները, ինչպես նաև՝ ավանդատուների հանդեպ մեր պարտավորությունները և աջակցել մեր բոլոր աշխատակիցներին այս շատ դժվարին ժամանակաշրջանում»,- ասված է հայտարարությունում: