«Արարատ Միրզոյանի հարցազրույցը պարզաբանում չի տալիս մի քանի սկզբունքային հարցերի». Սուրեն Սուրենյանց

Քաղաքագետ Սուրեն Սուրենյանցի գրառումը․ «Արարատ Միրզոյանի հարցազրույցը պարզաբանում չի տալիս մի քանի սկզբունքային հարցերի։ ԱԳ նախարարն ասում է՝ ադրբեջանական առաջարկությունները թերի են, բայց չի պարզաբանում՝ դրանք պաշտոնական Երևանն ընդո՞ւնել է, թե՞ ոչ։ Կամ ասում է՝ ԼՂ-ի կարգավիճակը պետք է հստակեցվի, սակայն վերացական ինչ-որ արտահայտություններով չի նշում՝ որն է հայկական կողմի տեսլականը։

Պաշտոնական Երևանի վարքագծի մասին ես ունեմ դիրքորոշում, որն առայժմ չեմ ուզում արտահայտել։ Միակ ցանկությունս այն է, որ Փաշինյանն ու նրա թիմը հերթական անգամ չմոլորվեն աշխարհաքաղաքական լաբիրինթոսում, որովհետև դրա գինը դարձյալ Հայաստանն ու ժողովուրդն են վճարելու»։