#Michelin-ը, հետևելով #Bridgestone-ի և #Continental-ի օրինակին, հեռանում է ռուսական շուկայից

Անվադողեր արտադրող ֆրանսիական Michelin ընկերությունը որոշել է դադարեցնել արտադրությունը Ռուսաստանում, ասվում է ընկերության կայքում։ Այն նաև ժամանակավորապես կդադարեցնի արտահանումը այդ երկիր։

Ընկերությունը պարզաբանել է, որ մոտ 750 մարդ աշխատում է Դավիդովո (Մոսկվայի շրջան) գյուղում գտնվող Michelin գործարանում։ Այն արտադրում է մարդատար և բեռնատարների վերամշակված անվադողեր։

«Այս շատ դժվար և անորոշ շրջանում Michelin-ի առաջնահերթությունն է աջակցել այս ճգնաժամից տուժած իր բոլոր, այդ թվում՝ Ռուսաստանում գտնվող աշխատակիցներին»,- ասվում է հայտարարության մեջ։

Արտասահմանյան ընկերությունները շարունակում են հեռանալ Ռուսաստանից: Այսպես, ավտոշուկայի ներկայացուցիչների շրջանում անվադողեր արտադրողներ Bridgestone և Continental, ավտոարտադրողներ՝ Volkswagen, Skoda, Audi, Porsche, BMW, Mercedes-Benz, Toyota և Nissan ընկերությունները հայտարարել են արտադրության և մատակարարումների դադարեցման մասին: