Տիգրան Խուդավերդյանը լքում է Yandex-ի տնօրենների խորհուրդը պատժամիջոցների պատճառով

Տիգրան Խուդավերդյանը լքում է Yandex N.V.-ի տնօրենների խորհուրդը և գլխավոր տնօրենի տեղակալի պաշտոնը, ինչպես նաև իր պաշտոնները ընկերության հոլանդական դուստր ձեռնարկություններում։ «Մինչև ապրիլի 15-ը Յանդեքս ՍՊԸ-ի գլխավոր տնօրենի պարտականությունները կատարում է Ելենա Բունինան»,- ասված է ընկերության հաղորդագրության մեջ։

«Մենք չափազանց զարմացած ենք, որ Տիգրանն ընդգրկվել է ԵՄ պատժամիջոցների ցուցակում, և մենք շատ ենք ցավում, որ նա այլևս չի կարող լինել տնօրենների խորհրդի անդամ և լինել Yandex N.V-ի գործադիր տնօրենի տեղակալ։ Տիգրանն ընկերությունում է ավելի քան 15 տարի և մեծ ջանքեր է գործադրել, որ Yandex-ը զարգանա՝ որպես համաշխարհային մակարդակի տեխնոլոգիական ընկերություն»,- ասել է Yandex N․V․-ի տնօրենների խորհրդի նախագահ Ջոն Բոյնթոնը։