Իտալական #Pirelli ընկերությունը սառեցնում է արտադրությունը Ռուսաստանում

Իտալական Pirelli ընկերությունը փաստացի սառեցնում է արտադրությունը Ռուսաստանում, հայտնում է Meduza-ն։

Այնուամենայնիվ, ընկերության երկու անվադողերի գործարանները՝ Կիրովում և Վորոնեժում, կշարունակեն աշխատավարձ վճարել աշխատակիցներին:

«Ռուսաստանում ներդրումները, բացառությամբ անվտանգության հետ կապված ներդրումների, կասեցվել են։ Ռուսաստանում գործարանների աշխատանքը աստիճանաբար կսահմանափակվի միայն այն գործունեությամբ, որն անհրաժեշտ է աշխատողների աշխատավարձերի և սոցիալական ծառայությունների ֆինանսավորման համար», - ասվում է ընկերության տարածված հայտարարության մեջ: