Զելենսկին դիմել է շվեյցարացիներին

Ուկրաինայի նախագահ Վլադիմիր Զելենսկին կոչ է արել սառեցնել Ուկրաինայում պատերազմ սանձազերծած ռուսների շվեյցարական բանկային հաշիվները։

«Ձեր բանկերը պահում են այս պատերազմը սանձազերծողների փողերը»,- ելույթ ունենալով Շվեյցարիայի խորհրդարանում, ասել է Ուկրաինայի նախագահը, հաղորդում է «Ինտերֆաքս-Ուկրաինան»։

«Սա նույնպես պայքար է չարի դեմ, որպեսզի լիակատար սառեցվի այս մարդկանց ունեցվածքը, նրանց հաշիվները։ Սա մեծ կռիվ է, և դուք կարող եք դա անել։ Ես ուզում եմ, որ դուք դառնաք ուկրաինացիներ, որոնց քաղաքները կործանվում են. նրանց հրահանգով, ովքեր ապրում են ձեր շրջապատում, ովքեր վայելում են կյանքը ձեր պետությունում, և արդարացի կլինի նրանց զրկել այդ արտոնություններից»,- ասել է Ուկրաինայի նախագահը։