Վրաստանն արգելում է վճարել ռուսական քարտերով

Վրաստանում ցանկացած ընկերություն, որը վճարումներ է ընդունում ռուսական «Միր» համակարգի միջոցով, խախտում է օրենքը և կպատժվի, հայտնում է Sputnik Գրուզիան՝ վկայակոչելով Վրաստանի Ազգային բանկի հայտարարությունը։

«Միր» համակարգը չի սպասարկվում Վրաստանում գրանցված որևէ առևտրային բանկի կամ վճարային ծառայությունների մատակարարի կողմից, հետևաբար, եթե կազմակերպությունը վճարում է կատարում Վրաստանում չգրանցված ընկերության միջոցով, ապա կխախտվի «Վճարային համակարգի և վճարային ծառայությունների մասին» օրենքը, ինչը որակվում է որպես ապօրինի ձեռնարկատիրական գործունեություն»,- ասված է հաղորդագրությունում։