Թրամփը Բայդենին համարել է վախկոտ, ով վախենում է հարձակվել միջուկային տերության վրա

ԱՄՆ նախագահ Ջո Բայդենը վախենում է Ռուսաստանի միջուկային զենքից, ուստի Ուկրաինայի շուրջ ստեղծված իրավիճակում խուսափում է նրա վրա հարձակվելուց։ Այս մասին Ֆլորիդայում ելույթի ժամանակ հայտարարել է ԱՄՆ նախկին նախագահ Դոնալդ Թրամփը։

«Մենք ունեինք Աֆղանստանի ճգնաժամ, ես դա համարում եմ մեր պատմության ամենանվաստացուցիչ պահը։ Այժմ մենք ունենք ուկրաինական ճգնաժամ, անհավանական չափերի հումանիտար ողբերգություն։ Բայդենն ասել է, որ չի կարելի հարձակվել միջուկային տերության վրա: Մենք (Միացյալ Նահանգները) վախենում ենք»,- ասել է Թրամփը։ Ավելի վաղ Թրամփը խոստովանել էր, որ միջուկային պատերազմի սպառնալիքը շատ իրական է։ Նա նշել է, որ ամերիկացիները պետք է վախենան միջուկային պատերազմից, քանի որ երկիրը ղեկավարում են «ոչ կոմպետենտ մարդիկ»։ Բացի այդ, նախկին նախագահի խոսքով, երրորդ համաշխարհային պատերազմի հավանականություն կա, քանի որ ԱՄՆ-ին «այլևս չեն հարգում»։

«Կարծում եմ, որ սա (միջուկային պատերազմի վտանգը) լուրջ է, ես օրերս տեսա Բայդենին, ով ասաց, որ մենք չենք ուզում կռվել Ռուսաստանի հետ, քանի որ այն միջուկային տերություն է։ Սա թուլությա՞ն նշան է»,- ասել է Թրամփը: