«Ուկրաինայում մեր հայրենակիցները գերադասել են հանուն ազատության մեռնել»․ Արմենակ Կյուրեղյան

ԱԺԲ խորհրդի անդամ Արմենակ Կյուրեղյանը ֆեյսբուքյան իր էջում գրել է. «Հետաքրքիր իրողություն - Ուկրաինայում ապրող հայերը զարմանալի միասականությամբ՝ վտանգելով իրենց ընտանիքը, տունը, ունեցվածքը, զոհելով իրենց կյանքը մարտնչում են հանուն ազատ, ինքնիշխան Ուկրաինայի: Ուկրաինայում մեր հայրենակիցները գերադասել են հանուն ազատության մեռնել, քան ապրել անարժանապատիվ, նվաստ հպատակի կյանքով, իսկ սեփական հայրենիքում քիչ չեն այնպիսիք՝ որոնք անտարբեր հանդուրժում, քծնում, աղերսում և փափագում են նույն չարիքի ողորմած ստրկությունը: Նաև անթաքույց, հրապարակային քարոզչություն, բողոքի ցույց և երթ իրականացնում հանուն Հայաստան պետության ոչնչացման և գաղութացման:
Կարծում եմ պատճառը մեկն է, և այդ պատճառն ամեն ինչի պատճառն է՝ չկա Ազգային, Ժողովրդավարական, Ինքնիշխան Պետություն - որտեղ մարդն ունի ազատ կամք և ընտրության ազատություն, որտեղ կա իրավունք, արդարություն, զարգացում, կյանք, սեր»: