Դատարանը թույլ չտվեց Արմեն Գևորգյանին մեկնել Իտալիա

Դատարանը մերժեց «Հայաստան» խմբակցության պատգամավոր Արմեն Գևորգյանի՝ ԵԽԽՎ նիստին մասնակցելու նպատակով Իտալիա մեկնելու վերաբերյալ միջնորդությունը։

«Դատարանը, ի թիվս այլ հանգամանքների, հաշվի է առնում սույն գործի ընթացքում Արմեն Գևորգյանի դրսևորած վարքագիծը, մասնավորապես դատարանն արձանագրում է, որ Արմեն Գևորգյանի կողմից դատական նիստին առանց հարգելի պատճառի չներկայանալու համար մեկ անգամ դատարանի կողմից կայացվել է վերջինիս բերման ենթարկելու մասին որոշում։ Հաշվի առնելով այդ հանգամանքը՝ դատարանը գտնում է, որ բարձր է Արմեն Գևորգյանի դատական նիստին չներկայանալու վտանգը, ուստի դատարանը գտնում է, որ սահմանահատման թույլտվության պարագայում առկա է ողջամիտ ենթադրություն, որ Արմեն Գևորգյանը կարող է չներկայանալ դատական նիստին։ Հետևաբար, դատարանը որոշեց նշված պատճառաբանության Արմեն Գևորգյանի միջնորդությունը մերժել»,- հայտարարեց դատավոր Աննա Դանիբեկյանը։