Ֆրանսիական TotalEnergies-ը հրաժարվել է ռուսական նավթից

Ֆրանսիական նավթագազային TotalEnergies ընկերությունը հրաժարվել է երկարաձգել ռուսական նավթի և նավթամթերքի մատակարարման հին պայմանագրերը և կնքել նորերը։ Ընկերությունը նաև սառեցրել է ներդրումները Arctic LNG 2 նախագծում, որն իրականացվում է NOVATEK-ի հետ համատեղ։

Որպես այլընտրանք՝ TotalEnergies-ը դիտարկում է նավթի ներկրումը Լեհաստանի տարածքով: Ընկերությունը նաև ասել է, որ հետևում է Ռուսաստանի դեմ գործող պատժամիջոցներին՝ «անկախ Ռուսաստանում իր ակտիվների համար ունեցած հետևանքներից», և նաև կսկսի աստիճանաբար դադարեցնել գործունեությունը երկրում՝ ապահովելով աշխատակիցների անվտանգությունը: