Զելենսկին Բայդենին խնդրել է պատժամիջոցներ չկիրառել Աբրամովիչի դեմ

Վլադիմիր Զելենսկին ԱՄՆ նախագահ Ջո Բայդենին հորդորել է ժամանակավորապես սահմանափակող միջոցներ չկիրառել ռուս գործարար Ռոման Աբրամովիչի նկատմամբ, քանի որ նա կարող է օգնել Ռուսաստանի հետ բանակցություններում, գրում է Wall Street Journal-ը՝ հղում անելով աղբյուրներին։

Հրապարակման համաձայն՝ մարտի սկզբին ԱՄՆ գանձապետարանի պաշտոնյաները պատժամիջոցներ էին պատրաստել Աբրամովիչի դեմ, սակայն, երբ եկավ ԵՄ-ին և Մեծ Բրիտանիային զուգահեռ միջոցներ հայտարարելու ժամանակը, Սպիտակ տան Ազգային անվտանգության խորհուրդը գանձապետարանին խնդրեց ձեռնպահ մնալ դրանցից։

Գործարարի ներկայացուցիչը հրաժարվել է մեկնաբանել Աբրամովիչի մասնակցությունը բանակցային գործընթացին։