«Համաշխարհային տնտեսությունում տեղի են ունենում տեկտոնիկ տեղաշարժեր». Կարեն Ադոնց

Տնտեսագետ Կարեն Ադոնցի գրառումը. «ԳԵՐԱԿԱՅՈՒԹՅՈՒՆՆԵՐԸ «ԽՏԱՆՈՒՄ» ԵՆ, ՌԻՍԿԵՐԸ՝ ՄԵԾԱՆՈՒՄ

Աշխարհում, ինչպես նաև՝ համաշխարհային տնտեսությունում, տեղի են ունենում տեկտոնիկ տեղաշարժեր՝ հղի տարաբնույթ ցնցումներով։ Նման իրավիճակներում չափազանց կարևոր է պահպանել հավասարակշռություն, դնել կայունության և ապագա զարգացման ամուր հիմքերը։ Այս առումով, համակարգատար խոշոր ուղղությունները պետք է գան առաջին պլան՝ դառնալով առաջնահերթություններ։

Որո՞նք են մեզ համար այդ ուղղությունները՝ ՏՏ ոլորտից և տուրիզմից զատ։

• Մաքուր պղնձի, նավթի վերամշակման և պարարտանյութերի արտադրության ներդրումային ծրագրերի մշակումները պետք մտնեն գործնական փուլ։

Անհրաժեշտ է սկսել առարկայական բանակցություններ՝ «Քաջարանից դեպի Իրան» երկաթգծի և նավթամուղի կառուցման շուրջ։

Առաջնային են նաև՝

• Նոր «արտադրական գոտիների», կադրերի վերապատրաստման կենտրոնների կառուցման և գործարկման հարցերը,

• Կապիտալի շուկային և ԲԲԸ-ին վերաբերող օրենսդրության պարզեցման, հայկական բորսայի գործունեության աշխուժացման հարցը,

• «Համահայկական ԲԲԸ»-ն՝ առանձին օրենքով ձևավորելու առանցքային խնդիրը։

• Առանձին կենսական ուղղություններով արդյունաբերական գյուղատնտեսության կազմակերպման հարցը։

Սրանք համալիր, բարդ, փոխկապակցված և փոխլրացնող քայլեր են՝ իրարից անջատ (փուլային եղանակով) իրագործել հնարավոր չէ»։