Չեխիան հայտարարել է ռուս գործարարների ունեցվածքի սառեցման մասին

Չեխիան սառեցրել է պատժամիջոցների տակ գտնվող ռուս գործարարների՝ «հարյուր միլիոնավոր կրոնի հասնող» ունեցվածքը, հայտարարել է վարչապետ Պեոտր Ֆիալան:

«Մենք վճռական ենք, մենք սառեցրել ենք ռուս օլիգարխների ակտիվները, որոնք հասնում են հարյուր միլիոնավոր կրոնի: Եվ սա շարունակական կլինի», - ասել է նա: Չեխիայի կաբինետի ղեկավարը նշել է, որ որպեսզի այդ ընթացակարգերը «ավելի արդյունավետ» դառնան, հանրապետությունում անհրաժեշտ է փոխել մի շարք օրենքներ։