Ռուսական լրատվամիջոցներին արգելել են հրապարակել Զելենսկու հարցազրույցը

Ռոսկոմնադզորը դիմել է մի շարք լրատվամիջոցների և հայտարարել, որ անհրաժեշտ է հրաժարվել Վլադիմիր Զելենսկու հետ հարցազրույցի հրապարակումից, ասվում է գերատեսչության մամուլի հաղորդագրությունում։

Գործակալությունը հայտնել է, որ մի շարք ռուսական լրատվամիջոցներ, այդ թվում՝ որպես օտարերկրյա գործակալներ հանդես եկող լրատվամիջոցներ, հարցազրույց են վերցրել Զելենսկիից։

«Ռոսկոմնադզորն զգուշացնում է ռուսական լրատվամիջոցներին այս հարցազրույցի հրապարակումից հրաժարվելու անհրաժեշտության մասին»,- ասվում է զեկույցում։

Նշենք, որ Ուկրաինայի նախագահի հետ զրուցել են «Մեդուզա»-ի գլխավոր խմբագիր Իվան Կոլպակովը, «Դոժդ» հեռուստաալիքի գլխավոր խմբագիր Տիխոն Ձյադկոն, լրագրող և գրող Միխայիլ Զիգարը և «Կոմերսանտ»-ի հատուկ թղթակից Վլադիմիր Սոլովյովը։