«Ղարաբաղում կարևոր է ապահովել նախկինում ընդունված պայմանավորվածությունների կատարումը». Պեսկով

Կրեմլն անհրաժեշտ է համարում, որպեսզի բոլոր կողմերը պահպանեն Լեռնային Ղարաբաղի վերաբերյալ նախկինում ձեռք բերված պայմանավորվածությունները, իսկ տարածաշրջանում աճող լարվածության պայմաններում խաղաղապահների լրացուցիչ զորակազմի հարցը պետք է ուղղել ​​Ռուսաստանի պաշտպանության նախարարությանը, այս մասին հայտնել է ՌԴ նախագահի մամուլի խոսնակ Դմիտրի Պեսկովը, փոխանցում է ТАСС-ը:

«Այդ հարցը պետք է տալ մեր զինվորականներին: Նրանք կապի մեջ են ադրբեջանական և հայկական կողմերի հետ: Գլխավորն այն է, որ բոլոր կողմերը շարունակեն պահպանել համապատասխան պայմանավորվածությունների պայմանները»,- հավելել է նա: