Կրեմլն արձագանքել է Ադրբեջանին հարվածելու՝ Դելյագինի հայտարարությանը

Պետդումայի պատգամավոր Միխայիլ Դելյագինի հայտարարությունը՝ Ռուսաստանի կողմից Ադրբեջանի նավթային ենթակառուցվածքին հարվածելու անհրաժեշտության մասին, չի համապատասխանում ռուսական իշխանությունների դիրքորոշմանը, ասել է ՌԴ նախագահի խոսնակ Դմիտրի Պեսկովը:

«Այդ հայտարարությունը չի համապատասխանում Ռուսաստանի Դաշնության պաշտոնական գծին։ Դա հայտարարություն է, որը գտնվում է անձնական հույզերի հարթության մեջ»,- նշել է Պեսկովը՝ հավելելով. «Ադրբեջանը մեր գործընկեր-պետությունն է»:

Ավելի վաղ Դելյագինը ռուսական հեռուստաալիքներից մեկի եթերում առաջարկել էր միջուկային հարվածներ հասցնել Ադրբեջանի նավթային ենթակառուցվածքներին: