«ԵՄ ճնշումը Ռուսաստանի վրա կշարունակվի մինչև Ուկրաինայից ռուսական զորքերի դուրսբերումը»․ Բորել

ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը Ուկրաինայի արտգործնախարար Դմիտրի Կուլեբայի հետ զրույցում վստահեցրել է, որ ԵՄ-ն կշարունակի ճնշում գործադրել Ուկրաինայի պատերազմը դադարեցնելու և Ուկրաինայից ռուսական ռազմական ուժերի դուրսբերման համար։

«Ես վերահաստատեցի ԵՄ-ի շարունակական աջակցությունը Ուկրաինային և նրա ժողովրդին: Մենք կշարունակենք ճնշում գործադրել՝ դադարեցնելու Ռուսաստանի պատերազմն Ուկրաինայի դեմ և հասնելու Ուկրաինայից ռուսական ռազմական ուժերի դուրսբերմանը», - գրել է Բորելը Twitter-ում: