Բրյուսելում հանդիպել են Արմեն Գրիգորյանն ու Ալիևի օգնականը

949

Հինգշաբթի, 31 մարտի, 2022 թ., 14:36

Եվրոմիությունը Բրյուսելում հյուրընկալել է Հայաստանի և Ադրբեջանի բարձրաստիճան պաշտոնյաներին, այս մասին տեղեկանում ենք երեկ՝ ԵՄ կայքում հրապարակված հաղորդագրությունից: Նշվում է, որ կողմերը քննարկել են 2022 թվականի ապրիլի 6-ին Բրյուսելում ԵԽ նախագահ Շառլ Միշելի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի առաջիկա հանդիպման նախապատրաստական աշխատանքները։

ՀՀ Անվտանգության խորհրդի քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հանդիպումը կազմակերպել է Հարավային Կովկասում ԵՄ հատուկ ներկայացուցիչ Տոյվո Կլաարը։

Բովանդակային քննարկումների ընթացքում, որը ներառում էր նաև Հիքմեթ Հաջիևի և Արմեն Գրիգորյանի առանձին՝ երկկողմ զրույցը, քննարկվել են քաղաքական և անվտանգության իրավիճակի վերաբերյալ հարցեր: