«Հայաստանից դրական ազդակներ են հնչում». Բայրամով

Ադրբեջանի արտգործնախարար Ջեյհուն Բայրամովը ԵԱՀԿ գործող նախագահի հետ հանդիպման ժամանակ խոսել է Հայաստանի հետ հարաբերությունների մասին, հայտնում են ադրբեջանական լրատվամիջոցները: «Մեկ ամիս առաջ նոր առաջարկ է արվել Հայաստանի հետ հարաբերությունների կարգավորման գործընթացի վերաբերյալ, հինգ հիմնարար սկզբունքներ են ներկայացվել: Հայաստանից դրական ազդակներ են լսվել։ Ուզում եմ ենթադրել, որ սա խոսում է այս հարցում Հայաստանի լուրջ մոտեցման մասին։ Այդ դեպքում մենք պատրաստ ենք. ժամանակն է ձեռնարկել իրական քայլեր։ Հույս ունենք, որ արդյունքները տեսանելի կլինեն մոտ ապագայում»,- ասել է ադրբեջանցի պաշտոնյան։