«Խորհրդարանին է ներկայացվում մի օրենքի նախագիծ, որը կրկին զավթման մասին է». Անդրանիկ Թևանյան

«Հայաստանն ուզում են զավթել, երեկ այդ մասին հայտարարվեց Կառավարության նիստում: Ուզում է զավթել Ադրբեջանը՝ հարձակվելով ՀՀ-ի և Արցախի վրա: Հայ ժողովրդին տեղեկություն փոխանցվեց, որ մենք լայնամասշտաբ պատերազմի շեմին ենք: Այսօր խորհրդարանին է ներկայացվում մի օրենքի նախագիծ, որը կրկին զավթման մասին է, բայց այս անգամ արդեն ներսից»,- ԱԺ ամբիոնից հայտարարեց «Հայաստան» խմբակցության պատգամավոր Անդրանիկ Թևանյանը:

«Փորձ է արվում Տեղական ինքնակառավարման մարմին հասկացությունը վերացնել, այն դարձնել փաստացի նշանակովի, և եթե մինչև վերջ ազնիվ լինեին այս օրենքի նախաձեռնողները, ապա օրենքը պետք է վերնագրեին՝ Մամիկոն Ասլանյանին կամ վանաձորցիներին քվեի իրավունքից զրկելու մասին օրենքի նախագիծ»,-ասաց Ա. Թևանյանը: