«Ամենաանկախ Ջհանգիրյանին մի հռետորական հարց ունեմ»․ Ռոբերտ Հայրապետյան

Իրավաբան Ռոբերտ Հայրապետյանի գրառումը․ «ԲԴԽ-ն հպարտորեն տարածել է պատկերազարդ այբբենարանի նմանվող մի լուսանկար, որտեղ նշվում է, որ Արևելյան գործընկերության երկրների ընդհանուր գնահատման 2020-2021 թվականների ինդեքսով Հայաստանի դատական համակարգը ճանաչվել է ամենաանկախը:
Իհարկե, լավ կլիներ, որ ԲԴԽ հարգ(արժան) անդամները նույն զեկույցի 29-30-րդ էջերը ընթերցեին ոչ թե որպես ռոմանտիկ գրականություն, այլ մտահոգող շեշտադրումներով զեկույց(օր. For example, Armenian legislation provides guarantees against the arbitrary removal of judges, but there is a lack of appeal mechanisms in place.), բայց միայն այն հանգամանքը, որ այդ նույն զեկույցում խոսքի ազատության ինդեքսով ևս Հայաստանն առաջատար է, թույլ է տալիս եզրակացնել, որ առաջատարի դիրքերը ամրագրված են Վահագն Հովակիմյանի մակարդակի չափանիշներով:
Ամեն դեպքում ԲԴԽ հպարտ կազմը լավ կլիներ պատասխաներ հարցին, թե ինչու է այսքանից հետո վեթթինգի և կարգապահական տույժերի շքերթը շարունակում, էլ չասեմ Բախշիյանի կալանավորման մասին:
Ամենաանկախ Ջհանգիրյանին մի հռետորական հարց ունեմ, որը կշարադրեմ իր իսկ խոսքերով՝ ԲԴԽ-ն ուզում է հա՛մ կույս մնալ, հա՛մ հաճո՞ւյք ստանալ»: