«ՀՀ ԱԳՆ-ն համեմատե՞լ է Ադրբեջանի ու ՀՀ ԱԳՆ դիվանագիտական ակադեմիաների գործունության անպատկերացնելի անհամաչափությունները»․ քաղաքագետ

Քաղաքագետ Ստյոպա Սաֆարյանը ֆեյսբուքյան իր էջում գրել է․ «Հայաստանի կառավարության անդամները և խորհրդարանի պատգամավորները նայե՞լ են, թե ադրբեջանցի իրենց «կոլեգաները» թվիթերում ինչ ակտիվություն ունեն, այն էլ՝ անգլերեն լեզվով։ Տեսե՞լ են, թե քանի տասնյակ կամ հարյուր հազար հետևորդներ ունեն նրանք, ու ինչպե՞ս են իրենց նառատիվները, տեսակետները հասցնում օտարեկրյա լսարանին։ Քանի՞ պատգամավոր է օտարալեզու լսարաններին հասցնում Հայաստանի տեսակետները․․․
Հայաստանի ԱԳՆ նախարարությունը համեմատե՞լ է Ադրբեջանի դիվանագիտական ակադեմիայի ու Հայաստանի ԱԳՆ դիվանագիտական ակադեմիայի գործունության անպատկերացնելի անհամաչափությունները։ Ենթադրենք, ի տարբերություն Ադրբեջանի՝ Հայաստանը առանձնացրել է կառավարական թինք թանքային ու դիվանագետ պատրաստելու առաքելությունները, ինչը Ադրբեջանում մեկտեղված է։ Այդ դեպքում՝ կառավարության թինքթենքային թևը որ մարմինն է ապահովում և ինչպե՞ս։ Ինչո՞ւ Ադրբեջանի դիվանագիտական ակադեմիայի գործունեթյունը, կազմակերպած միջոցառումները, հրավիրած օտարեկրյա դիվանագետների դասախոսությունները, կոնֆերանսները, ստորագրած փոխըմբռնման հուշագրերը խայտառակ տեսանելի են, վտանագավոր են, որովհետև գրեթե աշխարհագրություն չեն ճանաչում՝ Արևմուտքից մինչև հեռավոր Արևելեք, իսկ Հայաստանի պարագայում ոչինչ չկա․․․
Լավ, մենք ո՞նց ենք պատկերացնում էլի․․․ Քանի նոր ինստիտուտ պետք է հիմնվի, ու անհասկանալի սկզբունքներով աշխատակիցներ ընդունվեն աշխատանքի, որ ոչ մի բան հայտնի չլինի, թե ինչ է արվում․․․»։