«Եթե որևէ քաղաքական ուժ նման բաներ է անում, ուրեմն Մոսկվայից հրահանգ է ստացել»․ Թորոս Ալեքսանյան

Վերլուծաբան Թորոս Ալեքսանյանի գրառումը․ «Քանի դեռ Ուկրաինայում պատերազմը չի դադարել, Հայաստանում որևէ ներքաղաքական լարվածություն հրահրել չի կարելի, ոչ մի միտինգ, ոչ մի բան պետք չի անել, եթե որևէ քաղաքական ուժ նման բաներ է անում, ուրեմն Մոսկվայից հրահանգ է ստացել: Ներկա դրությամբ Մոսկվան ցանկանում է ապակայունացնել Հայաստանում ներքաղաքական իրավիճակը, Պուտինը ցանկանում է նորից բախումների տանել Հայաստանին ու Ադրբեջանին, որպեսզի միջազգային հանրությունը գոնե մի քիչ իր ուշադրությունը շեղի Ուկրաինայում կատարվողից, ինչպես նաև ստիպված լինի իր հետ գնալ համագործակցության գոնե հայ-ադրբեջանական կոնֆլիկտի համատեկստում, քանի որ այստեղ առանց իր միջամտության ոչինչ անել չեն կարողանա:
Կարճ ասած՝ նորից եմ կոչ անում ձեզ ժողովուրդ ջան, ոչ մեկի միտինգին մի՛ գնացեք այս օրերին, կապ չունի ռուսամետ են դրանք ներկայանում, թե արևմտամետ, միևնույն է՝ Մոսկվայի հրահանգով են գործում: Այդ միտինգներին մասնակցելով՝ միևնույն է նիկոլին գահընկեց չեք անի, նիկոլին գահընկեց են անելու դրսի ուժերը, իսկ դա կլինի մոտ ապագայում, երբ ռուսական կողմը կստորագրի ուկրաինական պատերազմում Ռուսաստանի փաստացի պարտությունը ընդունող փաստաթուղթը: Այնպես որ հանգիստ եղեք, ձեր ուզածը կլինի, ուղղակի նստեք տանը ու սպասեք այդ բաղձալի օրվան. ՔԻՉ ՄՆԱՑ»: