Փենթագոնի կարծիքով՝ ռուս-ուկրաինական հակամարտությունը կձգվի տարիներ

Փենթագոնը կարծում է, որ ռուս-ուկրաինական հակամարտությունը կերկարաձգվի տարիներով, երեքշաբթի ասել է ԱՄՆ շտաբների պետերի միացյալ կոմիտեի նախագահ Մարկ Միլին։
«Կարծում եմ, որ այս հակամարտությունը շատ երկար է տևելու: Եվ նաև կարծում եմ, որ դրա տևողությունը գոնե տարիներով կչափվի: Ես չգիտեմ տասնամյակների մասին, բայց առնվազն մի քանի տարի՝ հաստատ»,- ասել է Միլին Ներկայացուցիչների պալատում բյուջեի լսումների ժամանակ: Նրա խոսքով՝ խոսքը Ռուսաստանի և Ուկրաինայի միջև ձգձգվող հակամարտության մասին է, որին ԱՄՆ-ը, ինչպես նաև ՆԱՏՕ-ի դաշնակիցներն ու գործընկերները «բավականին երկար ժամանակով կներգրավվեն»։