«Մի հանրահավաքից մյուսը եթե մարդկանց թիվը չավելանա, մեղքը ձերն է». Հասմիկ Բաբաջանյան

Լրագրող Հասմիկ Բաբաջանյանը ֆեյսբուքյան իր էջում գրել է. «Տևական ընդմիջումից հետո առաջին հանրահավաքի բազմամարդությունն ուղղակի ցնցող է։ Սա նշանակում է, որ դանակը հասել է ոսկորին ու ժողովրդին պետք չէ կոչ անել՝ Հայաստան ոտքի, հայ ազգ ոտքի։ Ընդամենը պետք է «ժողովրդին ավելի տաքացնել ու չտանել դադարներով սառեցման գործընթացի»։ Հասարակ ժողովրդից ընտրեք ելույթ ունեցողներ, Նիկոլը ժողովրդին տաքացնելու համար Աբաջյանի կեղծ պապիկ էր բերել, դուք ձայն տվեք իրական պապիկներին, սեփական տներն իրենց ձեռքով վառածներին, որդի կորցրածներին, զավակի շիրիմը Արցախի գերեզմանատնից Հայաստան տեղափոխած ծնողներին։ Հանրահավաքը ջերմացրեք ժողովրդական կրակով։ Մի հանրահավաքից մյուսը եթե մարդկանց թիվը չավելանա, մեղքը ձերն է։ Ժողովուրդը պատրաստ է իշխանափոխության։ Առանց Ադրբեջանի օրակարգը սպասարկող իշխանության հեռացման, այդպես հանրահավաքի ընդհանրական շունչն է, հանրահավաքը «կսառի»։ Շարունակականության ընդմիջումները երկար չպետք է լինեն։ Կրակը չպիտի թողնել, որ սառի։ Իմ համեստ կարծիքն է»։