«Բրյուսելը Փաշինյանի վերջին շանսն է». Արթուր Ղազարյան

Ծրագրավորող, մաթեմատիկոս Արթուր Ղազարյանը ֆեյսբուքյան իր էջում գրել է․ «Երեկվա հանրահավաքը դեռ չավարտված, ՔՊ֊ական Արսեն Թորոսյանը շտապեց Պետրոսի մոտ հարցազրույցի։ Թորոսյանին լսելով, հասկանալի է դառնում, որ այլևս մեր երկիրը գրավող, մեր համերկրացիներին նվաստացնող թշնամու հետ բանակցություններ վարելը հասել է վերջնակետին։
Այսօր Փաշինյանը երևի թե վերջին շանսն ունի իր անատամ քաղաքականությունը այսպես շարունակելու։
Երկու տարի խոսել ճանապարհների բացումից և այդպես էլ չբացել ոչինչ, երկու տարի խոսել խաղաղության պայմանագրից՝ այդպես էլ չկնքելով այն, բերել է մեզ ներկա վիճակին՝ հայաթափման շեմին կանգնած Արցախ, թուրքի դեմ կքած Հայաստան։
Բրյուսելը Փաշինյանի վերջին շանսն է, հայ ժողովուրդը չի կարող տարիներ շարունակ նվաստացած ու անորոշ վիճակում մնալ։
Երեկվա՝ ընդամենը երկու֊երեք օր առաջ ազդարարված, սակայն սպասված հանրահավաքի մարդաշատությունը խոսում է, որ իրոք քպականները հասել են եզրագծին, որից այն կողմ իրենք այլևս չեն կարող լինել»։